網上媽媽

初初有左，沒讓人知道，天天很累，又要忍口唔呻得。在公司要撐著，實在是身心也很需要支持。於是，我去尋求support－－到親子王國即刻整返個戶口，九秒九入左「八月媽媽會」，同一眾師奶一起做戰友。

結果，效果相當不錯。令我覺得，若人人都喜歡到親子王國打字，產前抑鬱應該不會再出現。大家的回覆很快，問什麼也有一條村的人解答，實際如「係咪一定要去母嬰健康院
’」、感性如「係咪覺得唔講得俾人聽好寂寞？」，都可以讓準媽媽得到莫大安慰。

然後就是另一個「忍口」的問題。由於Google太方便，任何吃得／唔吃得的東西，也在彈指之間可以知道。我忘記World Wide Web有幾耐歷史，但在網上的「孕婦提問」，果真是涵蓋了人類歷史對懷孕禁忌的紀錄。在食物方面更加全面得恐怖，只要打食物名，搭個通用碼「懷孕」，就可以知道吃什麼了。ｏ了ｏ能如：

蘆薈　懷孕
韮菜　懷孕
紅豆　懷孕
黑豆　懷孕
綠豆　懷孕
豬潤　懷孕
桂圓　懷孕

兩岸三地肯定已有媽媽問過，再有媽媽或奶奶或嬤嬤解答過，真讓人驚嘆，仲有咩係無人懷疑過　（註：以上的全在懷孕或初孕期吃不得）。

但最有趣都莫過於驚慌的回應：

• 「吓？不能吃馬蹄嗎？我天天都吃一斤啊！」（內地人的飲食習慣真令人費解）
• 「真的嗎？我在公司天天也吃西瓜解悶啊！怎麼辦？現在要停嗎？」（或者可以考慮方便一點的餅乾？）

不過，在眾多回應中，我還是最信奉這個：
「其實吃什麼別過量就好，最緊要心情愉快，你開心，BB開心，大家開心！」

直至中醫叫我唔好再食令我快樂的薯片，因為佢會令我的寶寶皮膚爛爛。
直至我的朋友叫我唔好再食令我快樂的公仔面，因為佢會令我的寶寶好難湊。

原來，忍口的真正意義，在於為著產後而非產前的快樂！