大學生很疲倦

其實係我很疲倦

一切要由星期六講起
話說係新亞同獅子會搞的
香江慈善千人宴
我頂陳浩做camgirl拍片
累了三小時走走踢踢
還要被那些有錢佬kick跌腳架同叫我影埋相
先生, 你見唔見到我好忙?
你知唔知拍片同拍照是不同的? 點「順便」幫埋你呀?
洗慣人真係洗慣人

折騰了一個晚上
加埋之前的文化政治conference
加埋之後的和占看戲和姑媽逛大埔
再加埋第一堂學棍波扭車太
由個心累出來呢...

不過當中也有兩件滑稽事分享:

A-香江千人宴阿伯
B-林綸B
A: (路過,突然轉向B) 今日舊曆幾號?
B: ......
A: 你睇下個月亮幾靚, 彎彎瘦瘦
B: 哦, 係哦, 都唔圓, 我諗係三十掛
A: ....
B: 咁樣一定唔係十五啦, 都唔圓...
A: 梗係唔係啦! 我以為你地大學生讀得多書, 會識多d野, 會知而家幾號..(越走越遠)

C-林綸C
D-教車師傅伯伯
D: 你向右扭...向右呀!! 我呢邊呀! 你做咩呀!!!!!! (怒吼)
C: (騰哂雞) 對唔住呀...
D: 扭車太好緊要架, 你要俾個好印象個考官
C: 係 (再試)
D: ...兩隻手一齊上..你個隻手做咩呀..唔係咁呀..嘩! 做咩呀你! 你瀟洒d得唔得呀?
C: (我第一次學咋, 點瀟呀..)
D: 好容易架咋, 你扭車太瀟洒d, 都擺個型d既款呀, 縮埋一舊咁....

而家d阿伯..
而家d大學生..