出版稿子

  • 我們會否是 最後一代看「新聞」的人? - Ming Pao Daily News D04 | 副刊/世紀 | 世紀.視界 | By 林綸詩 2017-10-04 九月十九日,政府新聞處正式公布讓符合四項條件的網媒,正式進場採訪政府活動及記者會。 九月廿五日,壹傳媒集團創辦人黎智英則在專訪中表示,最終台灣和香港的員工到最後只會剩四分之...
    2 weeks ago

8.30.2005

Blog Tag Game

Tagged by 這位好朋友..

不知大家有沒有玩過...多數都見過啦。總之被tagged者要根據以下的問題作出回應, 並再去tag多五個人。然後留言給那五個人告訴他們...你賴野了~

Topic question: What're 5 of your weird habits/hobbies?

1. 入到超市狂duk有保鮮紙包裝的食物。
2. 經過任何包舖或便利店也要進去兜一圈。
3. 超鐘意睇麻鷹, 尤其當佢地食我大廈外面的白鴿時。會拍照。
4. 崇拜黃耀明。迷戀蔡德才。暗戀陌生人。
5. 撕爛雜誌的文章在地鐵看。

(Further elaboration:
1. duk到俾男朋友話。
2. 媽媽也受不住。尤其便利店,她說它們不是一樣的嘛!
3. 這個是weird因為其實我係一個好純情怕暴力的白綿羊嘛...
4. 這個年紀嚴重喜歡明哥,公認為奇怪, 因為程度是到達不想承認他只是個普通人。
當一個幕後/獨立音樂人為夢中情人...唔知點咁, 「買楊千嬅d碟又唔係鐘意楊千嬅」那種唔知點咁。
陌生人 = 真的只了解他的外表的人。
5. 其實我覺得唔怪既, 只係全地鐵/月台也只有我在看不完整的刊物, 和他們在看我....)

我tag..
李祖喬
蘚菲
小冬
劉嘉蕙
小愛

因為他們都是怪人。

8.27.2005

成人禮

之前一晚去了追悼 Brother Roger的祈禱會
他是一個叫泰澤的地方的 founder
看見中學老師、遠房親戚、妹妹同學、聯會的人、CU Katso的人、校長個仔..
還有和我一起去的Katalyst!..
一個人的離開, 可以令這麼多人重聚,真是不簡單
近乎兩個小時, 我看著這素未謀面的老人家的相片,
看到他為世界做的事
影響了這麼多的人
除了想到天主透過人做的神蹟
還有想到自己的葬禮

我也希望大家能開開心心的出席
我所有的朋友都可以彼此認識
使它成為一個有意義的聚會
呵, 因為我所有的朋友都是好人來的! :p
(好像Big Fish最後很多人站在山頭那幕)

很好, 在這個外國official成年的歲數生日前, 給了我一晚靜思的機會

多謝朋友們在我生日為我做的事
還有禮物! 件件都好有意義!

正日
朝早九點幾有個不好看的男子捧了一大束鮮花找林小姐
幸好你不在香港
早餐吃了蛋糕 *1

然後午餐有人在雪山請了我吃一頓有
豆腐芝士餅做甜品的飯 *2

晚餐有我最敬愛的人為我籌備了於中華廚藝學院的晚飯
細心的他還準備了一個有我的名字的生日蛋糕 *3
有'Cindy'在上面的!
然後全部侍應為我唱生日歌
然後他點點我的眼問我是否想哭了

我這一向缺乏___的女孩
真的感動得傻了...
好多謝這位長輩

晚上有點掃興事
令這個生日沾上污點
只見了新亞的人一會兒
多謝大富翁在火炭橋上的歌聲
那一刻我覺得抵番

Yeah, 成年啦!

8.24.2005

城市漫遊之回到過去

calvino說
那坐在廣場的男人不是你
因為你不是坐在廣場的男人
你沒有他的過去
你曾經可能會是一個坐在廣場的男人
但因為你沒有走過那個男人走過的路
所以你做不了廣場的男人
而你唯有繼續向未來出發
尋找和你相關的過去

是以旅行隱喻生命

很有趣的是我們一直向前行
有沒有為意到我們錯過了幾多其他的選擇?
我不是你 你不是我
將時間和人物的分別相提並論
有意思有意思

今天又唱k去
和我第一班k朋友----中同
只有他們才知道林綸C那個唱k秘密 (那時他們也不會叫我林綸C呢)
唱漩渦...
peggy說phenphen依舊是唱那個聲調的男聲
phenphen說我們那時怒抄這首歌的歌詞
我想: 這首改變了我一生的歌.....因為是它令我愛上黃耀明

之後和hermin、雯文、peggy去茶軒
談自己的近況和其他人的近況
全都是mcs學生 大家的路是那樣不同
今天二十出頭的四個女孩 做著四十出頭會做的事情
廿年後, 當我們談大家的近況, 相信依然會像現在目瞪口呆

有分別 才新鮮
為大家的差異感興奮

Jam打來問我想不想看陳浩峰爵士搖滾K唱會
說以為我會和朋友去看
我說: 你咪我朋友囉
哈哈 愛上黃耀明後的第一個朋友
還是要你陪我看
依舊是你為我倆買票, 和過去的五年來一樣

之後獨個兒去bc買了本達明做封面的E+E (有折, yeaH)
<專題書短>介紹城市書
包括我在看的"Invisible Cities", Calvino
還有洛楓同李歐梵介紹過的"地圖集"、"我城"、"HK:Culture and Politics of Disappearance"
李祖喬第一次見我話arm我的"沙巴翁的城市漫遊"
和我送給他的"i-城志"等
有個「幸好一半我還聽過」的感覺

你迷戀城市嗎?
這裡的人都很大差異

ps 今天駱駝、Flora、李文琪都分別話在自己公司遇到和我
外表
整體感覺
生日
和我一樣的人
噢, 有好多個不同的我在這城市..
(flora語: 睇下你幾唔特別)

8.22.2005

第一次 (from chanst's od)

1.第一次唔合格係幾時,有咩感覺?
好似係一個默書...無相干啦, 有咁多次拉分

2.第一次好滿意自己成績係幾時,有咩感覺?
小六math speed test 96分, 開始覺得自己是數學的料子

3.第一次公開試有咩感覺?
唔好令自己後悔

4.第一次返正式學校係幾時,有咩感覺?
啟思幼稚園, yeah, 活動教學的, 好玩! 多活動~ 新奇~ 過節和生日又有特別野, 正!

5.第一次知道自己要上邊一間中學時,有咩感覺?
唔知知唻做咩...都要移民咯...

6:第一次放榜有咩感覺?
會考---(睇左有幾多分先)..唔, 咁即係唔係好差啦....再睇自己每科拿什麼, 開心, 好好運

7.第一個你o係學校識o既異性朋友叫咩名,而家仲有冇聯絡?
幼稚園o個d, 梗係冇聯絡, 個陣都唔知咩叫聯絡...

8.第一個屬於你o既學號係咩?
好似係15 (係個一年級先生個時話記得我講的~~ 佢好勁!)

9.第一次上課外活動班係學d咩?
講你都唔信, 功夫舞

10.第一個你祟敬o既老師係邊個,點解你咁祟敬佢?
我通常鐘意暗戀先生多d, 未必係崇敬

11.第一次鍾意人係幾時,對方係點o既人?
小學, 佢o係教堂做父祭, 我唔識佢架喎, 佢靚仔嘛~

12.第一次俾人鍾意係幾時,對方係點0既人?
中一, 加拿大小學Grade 7, 隔離班一個唔識的騎呢人, 佢其實幾好人, 但佢係黑版寫I love Cindy Lam同會大叫我個d分數出來, 所以我憎左佢一年, 嬲左佢三年

13.第一次表白係幾時,感覺如何?
icq, 甜, 因為佢表先~ haha

14.第一次送左d咩俾你鍾意o既對像?
生日熊bearbear

15.第一次聽到會心甜o既說話係咩?
u were important to me and u still are

16.第一次去唱k係幾時,記唔記得唱左咩歌?
中三尾, 唔記得, 只記得要我個frd幫手挨埋我阿媽佢先俾我去

17.第一次同FD去睇戲係幾時?睇咩戲?
點..記..得...

18.第一次去溜冰係幾時?情況係點?
小學同個best frd去, 兩個手拖手, 佢好叻, 我仆左兩次

19.第一次飲酒係幾時,飲咩酒?
同爸媽去吃飯飲啤酒

20.第一次同fd玩通宵係幾時,搞咩?
係溫哥華去frd屋企訓...跳下跳舞氈, 玩下佢隻狗, 睇下電視, 溫哥華係咁悶架啦

21:第一次同朋友嘈交係因咩事?
佢地趁我去拿朱古力奶時撇低我, 然後哩埋.....好好玩咩?! 咁我訂左奶一定要拎~

22.第一次你朋友令你由心笑出黎係咩事?
成日由個肚笑出黎, 然後笑到好肚痛

23.第一次朋友出賣你係咩事?
同21

24.第一次朋友俾你出賣係咩事?
oh i dun do this type of thing...
哈哈, 問佢地, 如有, sorry!

25.第一次你朋友令你覺得好感動係咩事?
jasmine wong整左成四個抽屜俾我, 每個有不同的theme: 黃耀明, 我倆, 時間 (友誼永固), 同一個17歲生日快樂的自製字黏土

26.第一次你朋友令你好嬲o既係咩事?
應承左我又唔做

27.第一次令你覺得朋友係好幫得手o既係咩事?
影印補習社notes

28.第一次你整嬲你朋友係因為咩事?
拔左尖未講俾佢聽...sorry again, 我呢世都會記住我有什麼事首先一定要通知誰, 最在乎我的人

29.第一次你同對方再做唔成朋友係因為咩事?
佢偷野既

30.第一次為左朋友而喊係咩事?
佢地成日蝦我, 單單打打....不過可能因為細個承受唔到, 太在乎那班朋友

31.第一次覺得父母係好錫自己o既係因咩事?
我病佢地照顧我

32.第一次覺得對唔住父母係咩事?
點解我咁深近視, 要佢地用咁多錢幫我配眼鏡?

33.第一次家人做d野令你唔開心係咩事?
以後每次都係同一個原因...d人發脾氣

34.第一次令你感到家庭對你有壓力係咩事?
想我take 下 BA course...

35.第一次覺得家人唔明白你係咩事?
唔明白我係一個唔甘心做一個平凡人的女孩子

36.第一次去海洋公園/荔園有咩感覺?
超好玩

37.第一次上網係做咩,感覺點?
開free web-based email, download icq, 好玩過minesweeper

38.第一次上台講野/唱歌/演奏時係有咩感覺?
震哂, 幾時完?

39.第一次鍾意一首歌係咩歌?
友共情, 因為剛移民

40.第一次好想得到又得唔到o既係咩?
男人....waaaaaaaaaaaaaaaaaahahahahahhahahhahahahaahahha 蔡德才囉

41.第一次覺得自己因為他人好失落係幾時,咩事?
鐘意既人唔開心, 又幫不上忙

42.第一次後悔係因為咩事?
食左好多野食知道自己會肥十磅八磅, 哈
我比較少做會後悔的事

43.第一次o係邊見到份野?
小冬od

44:第一次見到我(你copy o個個人)
Journal O'camp院草競選

45.第一次玩好唔好玩?
好! 但第一次真的很遙遠, 這些多屬難忘的...(可以呼應番我之前的entry, 呵)

8.21.2005

往事並不如煙

今日明報生活有兩篇講童年
一是周保松 二是袁易天
在小溪捉魚捕蟹
在米缸上聽媽說故事
去市集看人變魔術雜耍
去市中心看流動電影
好似好開心
我們這些香港80年代出世的城市細路
童年好像和周圍的環境沒太大關係
好羡慕

每個星期天看完副刊都好大感受
今日又睇李照興同潘國靈的
我每次看都覺李照興很型
想法很酷的那類人 (有時寸寸地那種)
不用說很多資料性的東西
純粹他個人的想法已很吸引
至於我很喜歡的潘生, 則很學識淵博
每次都引經據典, 多點歷史或傳說
看完就會覺得(如他所說)「上了課通識」
而且有時都幾好笑 (係你feel到佢唔係特登/做作那種)

看人寫作很容易會把一篇文字歸類為偏感性或偏理性
今天馬傑偉寫也斯
兩個也很感性
文人會讓你有不踏實的感覺 有自欺欺人的感覺
但誰要純理性的東西?
例如看 消逝
對這兩個文人來說
它可以是不淌血的蠟像 是凝固在冰裡的花朵
但對只有理智的人
它只可以是黑暗 是重重的別去和隔離

對文人來說
傷逝也是淒美的

熱帶雨林

嘩----
好多雨!
多到只令人想起一個離我們很遠很遠的地方。

很喜歡家裡暗暗的
大白天一家人被雨水困著
可能因為會令人想起小時候紅雨黑雨不用上學的日子
爸爸媽媽妹妹平平安安的在客廳

然後媽媽說去午睡一會
爸突然說: 都唔陪下大家既?!
我地爆笑, (說得很奇怪哦)
或許這方面我是像我爸的

但最後媽還是去午睡, 我爸還是當她沒睡的很吵很吵

我看雨看了一個下午
聽著楊千嬅 X Suede, Damien Rice X 劉浩龍
站在窗頭 原來真的有很多東西看


ps Videos之人無聊就係對住個電視:
97 家有囍事
American Beauty
憂憂愁愁的走了
The Deer Hunter
黑白森林
US Chocolate Factories Documentary (Travel&Living Discovery Channel)

8.18.2005

愛如潮水


收到李生寄來的第五張名信片
是這個地方

Freiburg
也是舊年菠蘿頭哥哥去的地方

很漂亮呀, 一向很喜歡有河道的城市
在整個城市間穿插, 流過每一條街下
香港的海港太闊, 海灘太髒

看到一個豪宅廣告
後花園有水池
想像一個很大的豪宅
每一戶的水池都是來自一條相通的河流
而水池的水也會流回主河道
很憧憬這樣一個地方

待在家想得太多

記得那時剛從歐洲回來
和同行的人不一樣
我竟愛上獨身的感覺
覺得世界好大好大
想留更多時間給自己見識

然後有天劉浩勤問我
為什麼不讓人(唔係指涉緊任何人)和我一同看世界?
我說 自己看好, 才可以和他一起分享

不知是放棄了改變了
還是現在已到達和你分享的階段
又陶醉地和你一起看世界
而一起歐遊的其中兩個旅伴竟然愛回獨身

同一個時間發生在不同人身上的感覺
也會在不同時間發生在同一個人身上

and vice versa

8.17.2005

戀味

陳曉芝又提起
抹茶之戀味

突然覺得那如青草香的戀愛味道
串起了我兩個朋友

對上一次此戀味
是愛麗斯send來此片的主題曲mv

陳曉芝和小愛的文字真有點相像, 介紹你們認識好不好?

喜歡嚴羚多過陳坤呢
(最左邊的)







近期朋友都不愛聽我的戀愛觀
哼~
我就是這麼自我中心的一個豬頭, 我又繼續去找那些會認同我的人聽我說啊!
哼哼哼~
原來我是那樣似處女座....

ps 昨晚一起icq, 步入我們的三個月紀念
迪士尼的煙花是為我們而放的, 呵呵呵!

8.15.2005

寫在一切之後

在那個時候, 朋友send來一封電郵
那兒說: 生命中我們或許會遇到很多個和我們相愛的人
在不同的情況下, 會有不同的效果
1. 兩個都單身, 於是一起了
2. 遇上發生在任何一方拍拖之後, 所以唯有成為要好的朋友
3. 同上但拍拖那方終覺得你好點, 所以分手然後和你一起

The moral of the story: 即使我們不肯定眼前這個是否註定的, 和不肯定以後還會有幾多個註定的人出現, 也不可以否定每一個現在和我們相戀的人. 只要我們為眼前的戀愛付出努力, 他/她是不是註定那個, 自然會讓事情發展出一個答案。

好似好行的
但我記得charles wu在北京和我談的「夏娃論」也是這樣

總之
一定要付出努力

只是近期看多點朋友的日記, 想講個頗觸動到我的理論讓大家分享分享

工作完畢, 一切回到之前的生活
大學生的, 男朋友的, 朋友的, 文化人網友的, 電影的, 音樂的, 書本的..
和公司的一切都有種尷尬的關係
有點不能名狀的, 不知道怎去維繫,
尤其掛念同事, 但又沒什麼可以做到, 那些半生不熟但又很喜歡的, 難道真的等我們變為陌生?
還有工作, 會否忘記運作? 會否忘記學到的東西?
有點像wyman所說--送朋友出門然後看著他等lift不知應否返回屋中的那種尷尬

或許只有日日記著你們....

8.13.2005

The equality that TV grants

總覺得「電視製作」包含著一種浪漫的理想。

無論你家窮不窮,你朋友多不多,你職業閒不閒,也總會有看電視。為和同事有話題要追看電視肥皂劇,又或是夜深人靜仍有熱帶森林動物們陪伴,又或是一家人靜默所以掌門人撈飯一齊笑...有好的電視節目,總是件美好的事情。

我好想做電視。

因為當一個奔波勞碌的師奶落街買菜時都可以同隔離個陳太笑笑沉晚既電視節目,這也是件美好的事情。那天去天水圍做research, 那些從不出市區的小孩子,和我在碧華花園補習的那個小孩子,最大的共通點就是喜歡野蠻奶奶和胡杏兒。

也只是想令香港任何角落的人知道這世界多一點。

一個不識字的人也可以知道新聞、知道點樣煮飯會好味d、知道愛子的方程式。當中我覺得最好當然是紀錄片,每個人的故事都值得被說被聽。也有點書本的功效。

會很掛念港台GP。以上大概也是我完了intern更肯定的感想。

GP對我最好的人們: 昌, 郎哥 (監製), 周雲, 偉

Intern最後一天

這兩天在搭番工的2號小巴上,也碰到一個女孩。連續兩天,她都在我上車之後的站下車,然後會站在油站等另一架小巴。

我想今天也是我最後一次見到她。雖然下星期她依然會乘2號,依然會在油站等車....




ps 麥基, 生日快樂 (我頂你, 我記得架!)

8.10.2005

The Legend of Bowling

每次妹妹想去打保齡
你都會這樣

好了, 她今天告訴我
「家姐, 我以後連plan都唔敢plan去碌齡啦...」

我嬲你
為什麼要我最愛的妹妹今天這樣?
總愛挑特別的日子

接下來便是淚的故事了
再接下來
便是
大概我們已習慣了

其實根本氣不下
只是失望

8.08.2005

我的守護天使



妹妹
說家姐21歲要送21份禮物給家姐
於是由她歸來那天開始日日送
26日那天就會送哂

哈哈 其他人也要準備一下喎~

月亮的攻擊

每個女孩一個月都會一次
同juju研究過
我想我們與生俱來就是day day有情緒問題
pre, during, post都有事

好冇心機tim

講起月亮
中秋就快到
又係月餅的季節
今年唔知有冇人陪我去公園呢?

睇左《阿嫂》
為左劉燁同謝君豪
黃精甫還是喜歡做作
不過都唔夠任達華
成套戲我都覺得佢o係度賣太陽眼鏡廣告
同埋佢個咀越來越似Angelina Jolie

個日小冬俾左佢張新卡片我
Men's uno 助理編輯
同佢講, 好開心, 我year 2已經覺得你會做雜誌
看到大家各奔前程, 回想我們三年的大學生涯...蠻有意思吧

ps 完全係一篇碎片...擊中了

8.04.2005

「打保齡, 就好似人生咁」

此乃我第二次同同事打波時講的極leung說話
除左佢地想打我之外
我自己都想嘔, 哈哈
(不過後來雲妹同昌哥都有係佢地od到講喎!)

事緣小女本身都有打過下
但經阿昌少執過d姿勢+技術後
出現極度迷惘期
分數跌到落幾十
人生都係咁: 要經過自我追尋, 有起有跌, 先會進步
記得有套戲 (只是記得Tom Cruise同個老人家傾計)
個老人話, 人要有迷惘期才好, 否則他的人生不會有變化
所以後來即使知道自己會落坑, 都盡量唔准自己走回以前的姿態

前晚第三次打
Eric話
「走到第三步到, 已經知道o個球會好唔好」
即係未掟出去已經feel到個波會碌得準不準
我反而覺得
一半係信心問題
未擲出去就已以為自己衰左
佢就真係碌落坑俾你睇

人生都係咁
「以為」囉
以為自己鐘意吤H為自己會同佢一齊
然後鐘意左佢同左佢一齊
以為自己開始不喜歡
以為自己會同佢分手
然後不喜歡第二日分手

傷心
到有天以為自己好番
到最後真的不痛了

以為自己打得差
咪打得差囉
人生, 都係一串串「以為」來的

落到場
條lane係你自己o既
一定要以為自己係最強

ps 至少我是這樣,我一向比較抽離。
那天同Alvin吹水,我問佢讀archi應有咩性格。
佢問番我journal人具備什麼特質。
我說我和我的朋友睇野都頗抽離。
我由細到大就算好投入一樣野,都可以突然一個wide shot咁抽自己出來看個overview。不過,唔等於我唔享受。
不知這和以上的有沒有關係?