今天結婚一週月
特此發佈紀念
6/7 11:00 結婚瑣事很多，但就因為繁瑣，令你無暇去告別青春及娘家，其實我真係挺不捨得。
22:27 不知道結婚後，不捨的情緒會否一次過湧出來呢? 捽完減肥膏都係快點睡....
7/7 08:00 很夜才睡得了，滿腦子是結婚禮堂的流程...
09:30 昨晚想到一個改動，等我send rundown俾大家
11:08 漏了加電話，等我send多個rundown.....
8/7 17:28 Err....希望係今次係最後一次send rundown俾大家，they're gonna hate me.
20:19 湯家的每一個櫃和我現在房間的每一個櫃對應好，direct transfer，唔執住了，頭爆。
10/7 今天為自己預備了做按摩和做妲己，前兩天上班都在學 First Aid，結婚前竟然學First Aid...pass了但真的很累，很久沒考試嘛...結婚前竟然考試...pass了但真的很累，咦我精神錯亂喎。
11/7 04:00 嘩沉晚竟然訓得著! 我影畢業相訓唔著，結婚竟然訓得著!
04:02 咦點解係四點鐘o既?
04:03 頂....較錯鬧鐘....
05:00 白白浪費了一個鐘，訓唔到
05:05 阿屈嚟到化粧，安慰我話早一個鐘起身，可能早一個鐘退腫，希望係啦!
11:00 好開心好多人好多人好多人...睇唔哂
11:55 我想食Fruit Tart，表弟攞俾我
14:35 開始下雨啦....真好運，返去斟茶俾湯家
16:00 入門禮儀完畢，好多金器呀，去七仔影相，買雪糕食...嘩我幾個星期無食雪糕啦!
16:35 媽媽煮了回門飯請女婿食，好多野食! 沛叔叔猛咁話晏訓，要眠一眠...
1745 到了王子飯店，沛叔叔真係o係光天化日--大廳到眠左! 湯和妹和媽和我一起在新娘房睡睡，低調點...
22:15 衡同我地出去影最後一張七仔相，經過好多名店，佢又o係到chupchupchup，我諗影出嚟實好magazine!
12/7 00:30 邊有人結婚擺酒咁快返到屋企，好多禮物呀! 對腳好痛~
08:21 好有秩序的婚姻生活已開始了，竟然早睡早起身體好，落街食早餐。
10:00 阿媽打嚟提我去斟茶俾老爺，滾水淥腳，湯b淨係掛住食早餐!
12:12 斟完茶又食午飯，the eating life of marriage乎?
14:25 出機場了。回望拆了一半的禮物，已盤算好它們會被放在哪用在哪。自分別移民和回流過，成日話自己唔鐘意改變。但到真的面對這個人生最大的改變，卻被它的美好蓋過了自己的陰影。多謝湯禎兆同埋d禮物。
12~24/7 蜜月中
26/7 因為結婚，因為有了自己的家，處女座的整潔genes才得以發出來。原來我真係很系統化，就算什麼看上去也很亂很多，都不要緊，只要它們是在它們應有的位置。阿媽成日話我執極都咁亂，因為佢看不見，佢看不見我偉大的system。
27/7 CD和書的融合工程出現阻滯--唔夠住擺呀! 都係由得佢地在娘家算了。
31/7 20:20 睇完show，回家途中發現老公仲同朋友在餐廳談緊心。身為人夫，應該在家好好等我回家! 太過份了! 但第一次我不可以顯得太小家，點催佢好呢?
20:33 寄出「見字請回家 嚇親小娃娃」sms
20:40 唔覆我! 再寄「見字不回家 老婆變青蛙」sms
20:55 老公話跌左個匙羮落洗水盤，整左成個下午，我用筷子五分鐘就夾起啦，碎料，不過先要拆左個管阻咋嘛。要諗下點惡補老公的筷子技術....呢個時候佢終於打返嚟啦!
2/8 14:00 我們的第一班朋友來個婚後housewarming。點解我d朋友都估到冬瓜水同埋lemon啫喱係湯公整o既? 我唔洗衫唔晾衫但我都會下廚! 不過的確，以上兩樣都係佢整的。
17:00 到湯b的朋友來! 我有做野架! 攪個芒果薑奶特飲先，可惜有人唔飲得。
11/8 01:00 婚後第一次看完優先場一起搭巴士回家，湯湯好開心話可以一齊返屋企了。以前我地會一同搭281A或87D先經我家後到他家 (拍拖最好找個住巴士沿線的, yeah)，今次我話落車lu，佢話你訓花墟呀? 以後都唔駛分開啦，但佢竟然忘記我們已踏入一個月紀念日。:p
Posts
