在地面遇到的五個人 (五)

公司樓下沒有街市
但有一檔檔菜檔肉檔
一隻手數得完
食物就是好新鮮
（其實新鮮到有海鮮賣添
但我沒有告訴你，甚至連自己走過去看也不敢
因為從此你一定會要人地「定」住Ｄ蝦蝦蟹蟹去搭長途巴士
我先無咁笨）
每次去D檔
都會遇到不少可愛的人
一堆鰂魚涌買餸賣餸人

我身為買餸新手
免不了問長問短
「呢個咩黎架？」
「Ｘ菜。」（我忘記了）
「點整架？」
「加粉絲蝦米乜都得。」
於是我因為買不到粉絲蝦米而走了去第二檔
「咩菜靚呀？」
「全部都靚！」
「.........（點算）」
去買肉先
「我想煎豬扒，得唔得？」（因為我見無豬扒擺出來，只有豬蹄豬骨豬腸）
「有！要幾多？」
「我唔知呀，兩個人食。」
「兩個人食...兩塊啦！」
「（係咪咁精準呀？）夠啦？」
「一塊大D一塊細D啦。啱啱好。」
「咁我俾佢食大D那塊啦。」
旁邊的師奶插咀：「一樣size喎你呢兩塊。」
豬肉佬：「係喎....唔緊要啦，而家男女平等嘛，大家食一樣！」
師奶轉向我：「或者你o係你o個舊切一塊仔俾佢咪得 :) 」
好溫情喔......我話個師奶

今天是你生日
祝Ｎ年後的這天
這個會成為我的隔日活動
（Ｎ為你昨晚定的數目字,嘻嘻）
Happy Cooking, Happy Birthday.