小冬

嘩, 好威
有個entry全講小冬的~
昨晚千人宴之後搭唔到車
唯有同佢由shaw行到落火車站
(其實同行仲有二人, 但我地做左個實驗, 證明佢地已唔記得我倆的存在)
傾左好多計
我仲話左個秘密佢知
好可惜佢欺騙我
不過我仲會保留對佢既鐘意o既

秘密的延伸是我怕我是豬扒
小冬就話「綸綸點會係豬扒
唔好傻啦, 唔係豬扒
係豬肉, 頂多都係豬肉丸...
咦, 應該係菜肉包d friend...」
.......雖然最後個point我唔係幾明
但都足夠令我封左佢為核突既髮菜

諗番其實呢個sem都冇乜同小冬玩
不過玩番都真係幾好玩
張佬好多人都識左 3 年
原來人夾既 係會越識得耐越ok
起碼唔會越熟越討厭
雖然沉晚係同傳說莊一圍
有時有點格格不入 (肥龜竟然話我做咩咁寂寞同靜~)
但同張佬朋友仔一齊
起碼唔會覺得佢地唔同channel的低能同無聊

講番小冬......
之前借俾我的 Eternal Sunshine of a Spotless Mind
很喜歡那段kate要躲到jim其他記憶的部份 (因為jim要被洗去他倆的戀愛回憶)
e.g. 她被收藏在他的童年, 變了一個和他青梅竹馬的小女孩
共同走過他小時候的經歷, 仲同細細個的佢玩

未拍拖前我都以為戀愛係咁
兩個人講番俾大家聽由出世至識到對方的那段歲月
一起走進大家的回憶, 美好的、傷痛的、夢幻的....
我覺得編劇也是想講-----入對方其他的記憶
不單是想避免被洗腦, 更大的原因是因為
愛一個人, 便是和他走過他的一生
而一生不只是之前 還是之後

[這陣子心情有點壞
唯有沉醉在寫日記和懷緬當中
不要煩我]