眼鯨鯨

看了六場藝術節和兩套舞台劇和數個projects
當然眼鯨鯨 (不知道有沒有正寫呢?)
不過主要都係因為病倒了, 所以目光有點呆滯

呢排搞到無心向學, 都唔知係因為太累定係懶有藝術
唔想output任何野, 由得我吸收, 我淨係想吸咋
好彩大學都幾頹, d deadline係咁tun, 死唔去

昨晚終於睇埋我最後的05藝術節
o係Arts Center由三點坐到十點半
中間有三個鐘唔郁自己坐係度睇 Love on a Barren Mountain
諗起中學有個先生話我: 「我都冇識人好似你咁架」
因為那陣子去睇電影節, 睇到睡著...又去排隊睇bandshow, 早成兩個鐘, 結果當然好開心咁排第一啦

琥珀 The Nightingale 拜金國際俱樂部 Brazilian Guitar Quartet 像我這樣的一個城市 盼望篇 懷念篇
加唔關事的 愛情戲 和 老馬有火
這兩個多星期就是晚晚不歸家
今天報應來了, 咳得要了我的命!

咁多, 唔係度講感受
今年第一年實行了寫感想在場刊計劃
希望年年以後都keep到

只有愛情戲不是自己睇
今年也是第一年自己睇哂全部藝術節
想了個美好的籍口: 把自己浸在寂寞中
他朝那個人陪你看, 套套也一起看
那就更顯他珍貴了....

睇拜金時撞到郭啟華, 佢話:
「你又自己一個, 乜你冇朋友架?」
次次他都是碰上我一個, 都唔知點答
可能有少少鐘意佢, 所以都覺得佢講中左少少

其實那天之前都有點唔開心
望著台上的拜金
他們的歌詞都很辣
聽聽下想抬頭看看....
上面的disco波波灑呀灑....
一點點光像雪般飄下來....
直望螢幕上出現了四個毛筆大字...
「總覺寂寞」
加上音樂, 真的眼紅了

今 我春日厭厭無心

那天趁著點點愁緒
都為自己的名字作了首詩
知不知道名字對一個人的意義?
"I will not have another name in this life." - The Crucible


ps 喜歡人山人海/明哥/達明的十大特徵
1.好人
2.感性得o黎有少少怪怪地
3.從主流與非主流之間搵到中心點
4.文化藝術唔少得[都是頗牛棚的人]
5.頗為憤世嫉俗
6.些少傳染性自戀[學到教主]
7.日頭光天化日﹐夜晚下落不明
8.應該安靜時就安靜，應該狂野時就狂野
9.信奉明教﹐宗旨系完美主義[仲有好多其他主義]
10.雖寂寞，但快樂
(from PMPS message board -- see external link beside blog title)