窒息

阿佩係我爺爺的弟弟的仔
一年只見那幾次 (拜年、掃墓、那些..)
但他久不久就會送來禮物例如簽卡送的首映飛給我和妹妹
我會考考得好 他就從日本買來自拍dc給我

Uncle Felix係我爸爸從前的合夥人
久不久會一起吃飯 (因為那時他未結婚)
但他都和老婆移民到溫哥華幾年了
每次回港都會送來禮物上次有袋 今次有Hello Kitty粟子餅
仲話我地番溫哥華要同我地去打波

以上兩個人的唯一共通點
係由細睇到我和妹妹大
唔係成日見但好錫我地

阿佩...他令我想起我們的一脈相連
咁佢咁錫我地係咪都係因為血緣關係?
親戚, 應該是就算不熟不夾, 都會好愛同好關心對方

咁Uncle Felix呢?
佢其實只係同我老豆熟我
就諗 會唔會係對一d後輩既責任?
我地對我地既下一代係咪全都應該抱有責任?
所謂一脈相承 其實應該係全世界的
所以d人特別錫細路仔
我覺得潛意識上大家都會有照顧小朋友的傾向
應該係人性, 為自己的品種留後的一個intrinsic nature

那天看Global Dimming的紀錄片
地球在100年?會升10度
很多地方都會猶如地獄一樣

我突然咩母性都消失哂
我唔想我個小朋友要係個咁差既環境下掙扎求存

何況
現世代
人理唔到人
更理唔到環保
對唔住地球所有動物
和平沒希望 經濟好不了
民生問題解決唔到 國際問題更不用說
政府根本做唔到野 一切只是循環得越來越差

雖然我係一個快樂既人
但我覺得世界已逐漸喪失令人快樂的條件
所以 都係唔生啦

ps 站在地鐵站眾多自動電梯上面
慢慢上升 回望這幾條機械運輸帶
感覺是多麼冷冰 那麼空洞 那麼人工
我們挖進了地底 為自己創造了地獄多久
這想法簡直令我窒息
(from my 24/3北角自己行)