我的名字我的姓氏

昨晚睡得不好..唉, 但還是起身上堂去, 真神心
咁晏訓都竟然有好快樂的一天
和歐遊摯友吃了個珍寶腸午飯
alice就同我去journal lab 免費彩print我的2000字Impressionism功課
(仲屈就近的chi sing品嚐了我美麗的插圖)
接著去用十幾分鐘教elaine用premiere剪片
然後同alice去ldp房寒暄 (I love this rm!!) Jennifer在plan歐遊呢~ 我地怒俾意見
之後番屋企唔好waste左d陽光和阿妹打羽毛波去~
再睡了片刻, 人生之美嚐盡

今朝上了最後一堂sit的lecture
今個sem坐了兩科, Modernity & Love Philosophy
上個星期五冇咁乖, 中途坐坐下走左出去同糖影Lady Shaw....

那是她真正最後的一堂
愛哲其實幾好sit
本來覺得講愛情的哲學像浪漫愛情片
都是商品化了的東西
但陶國墇真有一手
學了很多東西

他這人很open-minded 不斷探求新野去revise佢讀的theories
最後一堂講男女大不同
大家分性別投選過對方最討厭的東西
哈哈, 男人的小器和女人的煩
天生的洪溝就是要讓我愛得更深?
不知對我而言是否可以, 我不太喜歡距離

我同阿糖話其實我都唔係幾女仔
(發覺張佬人好鐘意copy d dialogues係大家的od, 可能我地講野有趣---自以為)
「我做過個test話我幾女仔, 但我又唔太覺我真係咁女仔」
「你唔係男仔又唔係女仔架嘛」
「ha!? 咁我係咩?」
「你係一隻浪漫主義的怪獸--浪漫主義的怪獸綸綸!」
「咦, 個名幾矛盾喎, 我鐘意」

我地又講下大家朋友拍拖的例子, 對應陶生d theories
我講講下..突然爆左句:
「我都開始唔記得拍拖的感覺了」
唐詠欣話 唔好咁灰
......我都唔知點解那句對白會自然跳左出來
跟住我地就走堂去池邊看夕陽
我喜歡和朋友儲回憶的感覺

好耐都冇寫過d咁生活化既野係度
哈哈, 希望學蘇菲話齌, 能令多點人覺得我的blog親切點

ps 蘇菲密謀影50幅人的手來做Profolio Title Page
竟然自己擔心效果會如像碎屍萬段
她叫我幫她做model時, 我說樂意做她的林綸碎屍
我的名字真好玩